Comment on page
#02 HELLO WORLD!
Pythonda birinchi dasturimizni yozamiz.
Mavzuning aksar qismi video darsimizda yoritilgan bo'lsada, quyidagi matnlarga ham ko'z yugurtirib chiqish foydadan xoli bo'lmaydi.
Spyder muhiti uch qismdan iborat:
- 1.Matn muharriri —dasturlar yozish uchun.
- 2.Konsol —qisqa kodlarni bajarib, tekshirib ko'rish uchun.
- 3.Qo'shimcha ma'lumotlar oynasi. Bu yerda quyidagi ma'lumotlarni ko'rish mumkin:
- 1.Turli funktsiyalar haqida yordam
- 2.Dasturdagi o'zgaruvchilar ro'yhati
- 3.Grafiklar
- 4.Fayllar
Spyder IDE
Konsolda qisqa kodlarni bajarib, natijasini ko'rish mumkin. Misol uchun oddiy arifmetik amallarni bajarib ko'raylik:
Konsolda qisqa buyruqlarni bajarib ko'rish mumkin
Keling an'anaga ko'ra barcha dasturchilar birinchi yozadigan dastur, "Hello World!" dasturini yozamiz.
Buning uchun Spyder IDE yuqorisidagi menuda File --> New File bo'limini tanlaymiz (yoki klaviaturada Ctrl+N tugmalarini bosamiz). Math muhrarrirda yangi, untitled0.py fayli yaratildi.
Faylga ma'nili nom beramiz, buning uchun File --> Save as.. menusini tanlaymiz (yoki Ctrl+Shift+S) va yangi ochilgan oynada faylga ma'nili nom beramiz.
Faylni nomlashda quyidagi qoidalarga amal qiling:
- Fayl nomi qisqa, kichkina lotin harflari bilan va eng muhimi bo'shliq (пробел) qo'ymasdan yozilgan bo'lishi kerak
- Fayl nomi .py bilan tugashi kerak (misol uchun
faylnomi.py) - Faylga ikki so'zdan iborat nom qo'ymoqchi bo'lsangiz so'zlar orasini tire (-) yoki pastki chiziq (_) bilan ajrating. Misol uchun:
hello-world.pyyokihello_world.py - Fayl nomini sonlar bilan boshlamang
Yuqoridagi qoidalarga amal qilgan holda faylga
hello.py deb nom beramiz (siz istlagnahca nomalshingiz mumkin) va Save tugmasini bosamiz.
Faylni nomlaymiz
Matn muharririda quyidagi kodni yozamiz:
print("Hello World!")
print() bu Pythondagi mahsus funktsiya bo'lib, () ichida berilgan matn yoki ifodalarni ekranga (konsolga) chiqarish vazifasini bajaradi.
Dars davomida berilgan kodlarni albatta o'zingiz ham bajaring. Bu juda muhim!
Kodimizni bajarish uchun Run (►) tugmasini (yoki F5) bosamiz (yangi ochilgan oynada ham Run tugmasini bosamiz) va konsolda natijani ko'ramiz:
Birinchi dasturimiz va uning natijasi
Konsolda
Hello World! yozuvini ko'rgan bo'lsangiz, TABRIKLAYMIZ! Siz Pythonda birinchi dasturingizni yozdingiz.
Spyder konsolida va matn muharririda quyidagi kodlarni yozib, bajarib ko'ring. Siz kutgan natijalar chiqdimi?
print('Assalom alaykum')
print(Hayrli tong!)
print(2+4*2)
print(19/5)
print(2**4)